6.7.09

عندها عذرت حبيبى










كنت أسير فى حياتى


لا أهتم بما يحدث


أرى الحياه كما هى


أعيش الواقع


متى التقيت به


غير لى حياتى


اقنعنى بحبه


جعلنى أرى الحياه بشكل أخر


أصبح هو الهواء الذى أتنفسه


فأنا لا أستطيع أن أحيا بدونه


ظهوره فى حياتى


كان بمثابة الشمس التى أضاءت


على قوم لم يروا النور يوماً


كنت إنسانه بلا مشاعر


اليوم أصبحت لى مشاعرى تجاهه


وتجاه العالم كله


أحببت الجميع لأننى أحببته


وفجأةً وبدون أدنى مقدمات


وجدته يخبرنى بالحقيقه


أخبرنى بأنه لا يستطيع


أن يستمر فى خداعى


وخداع نفسه


وأنى ماكنت


إلا شبيهه لحبيبه قديمه


اختارنى لأننى أشبها كثيراً


ولكى ينساها


صدمنى


وأى صدمه وقعت على


كيف سأستمر فى حياتى بعد الآن؟


كيف له أن يفعل ذلك؟


أيام قليله ووجدتنى


انجذب لشاب يشبهه تماماً


وماهى إلا أيام


حتى غيرت لهذا الشاب حياته تماماً


عندها عذرت حبيبى








17 comments:

موناليزا said...

رغم واقعيتها بس انانية اوى

mnoon said...

طبعاً ياموناليزا قمه الأنانيه
مدورتش غير على رحتها
رغم إنها داقت نفس الألم اللى هتدوقه لشبيه حبيبها

فيه مقوله مش فاكره لمين بتقول
" غداً أو بعد غد يمارس الناس سيئاتك التى كانوا ينهونك عنها"
أعتقد إنها بتنطبق عليها

:)

MaNoOoSh said...

احساس صعب قوى اللي هي حسته

بس الاصعب انها دوقته لحد تانى

mnoon said...

منووووش
خدى من ده كتير
ربنا يحفظك من كل سوء ياجميل
نورتينى

صوت من مصر said...

ايه مونى ايه اخبارك واخبارك الاولاد وكده ياريت تقولى لدودو انها وحشانا كلنا

دعاء العطار said...

ايه الجمال ده يامنوووون

قصه جميييييله جدا

بس عارفه ينطبق عليها ايه

ينطبق عليها اغنية شيرين

" العشق اللى بيجرحنا فيه حاجه اكيد جرحاه وجراحنا بتفكرنا بالعشق اللى جرحناه "

بس بجد تسلم ايديكى وسلميلى على حمبوزو

حاسوباتيه said...

هي صدمه وكل حاجه بس تصرفها كده غلط لانها هتوقع واحد تاني في نفس المسأه الي وقعت هي فيها فحرام عليها تعمل كده في شخص مالوش ذنب ولازم تسيبه لانها مش بتحبه هو بنفسه هي بتحب شكله بس وه غلط

مدحت محمد said...

اعتقد ان ده قمة الظلم

جلال كمال الجربانى said...

ده غدر وانتقام

أناد خلت مدونتك
وأنا أبحث عن مدونين
من كفر الزيات
فرصه سعيده
وسنتابع

مدحت محمد said...

ازيك ياباشا عاملة ايه

واحشنا بوستاتك بجد


انا لما قريت اول مرة مختش بالى
انك منون على فكرة

وفيه بنات كتير كدة فعلا

بتنتقم

انتقام امرأة

بس كدة هى ظلمت نفسها قبل ماتظلمه

لان لما ضميرها هيصحى

هيتعبها اوى

وفعلا زى ماقلت قبل كدة ده قمة الظلم

مش ليه بس لنفسها

الأرمـوطــي said...

لية بس كدة دا المفروض انك انكويتى بنار كدة تقومى تعملية فى حد تانى نصيحتى حاولى تتاكدى من مشاعرك مع الانسان التانى الى قابلتية عشان متجرحهوش
تحياتى ليكى

مدحت محمد said...

ايه ده

مش عجبانى

الفكرة مش حلوة

يبقى دهمش حب خالص

ده ايه ده

ده الواحد

لو فكر فى كدة يتعقد

زهرة said...

جميلة أوى يا منون ..

عجبتنى جداً

إسمحى لى أتابعك يا قمراية

gogo!sf said...

طبعا احساس صعب جدا وجرح كبير اوى انى الاقى نفسى بحل محل شخصيه تانيه وفى النهايه لم استمر فى مكانها ده اكبر جرح فى الحب واسوء انواعه

اما الاسوء فأنها تكرر نفس الجرح لشخص تانى وده ما كنش حب لشبيه حبيبها اطلاقا ده اسمه انتقام لكل شاب ورجل يجرح امرأة او بنت

ده حب من نوع تانى
اسمه حب الوهم والخداع والغش


بجد يا منون بوست جميل جدا

Unknown said...

يا بختك
انا بقا نفسى احب وخلاص اجرح
انجرح
مش مهم

يارب احب

محمد ابو عمار said...

موضوع رائع
فالحب لا بد ان يكون صادقا كى يستمر
ولا بد ان يكون الطرفان صريحان فى حبهما لبعضهما
فالحب شعور يفيض من القلبب ليصل الى القلب

Unknown said...


thx

كشف تسربات المياة
غسيل خزانات
شركة نظافة عامة