ياترى أيه إختيارنا؟؟؟

"لا خير فى متعه يتبعها ندم"
يعنى لو إنت عايز تعمل حاجه أى حاجه عموماً
وعارف ومتأكد وباصم بالعشره
إن الحاجه اللى ناوى تعملها غلط
وبالرغم من كده هتموت وتعملها
وعارف برضه ومتأكد وباصم بنفس العشره
إنك حتندم بعد ما تعمل الحاجه دى
أنصحك بقى نصيحه متجربه
أبعد عن الغلط ومتقربش له
لأنك لو عملته هتحس بالمتعه لحظه مابتعمل كده
والمتعه دى هتنتهى بإنتهاء أسبابها
لكن نهايتها هتبقى بدايه لحاجه جديده
تقولى ايه اللى ممكن يبدأ؟
أقولك شعورك بالندم هو اللى هيبدأ
ومتستهونش بالندم
لأنك مش ممكن هتقدر تتخلص منه
سواءاً صاحى أو نايم
أو عامل نفسك مشغول
حتلاقى قلبك بيوجعك
وعمال تقول ياريت اللى جرى ما كان
وطبعاً كلامى للناس اللى لسه ضميرهم صاحى شويه
مش الناس اللى ضميرهم واخد تعسيله
تعمل أيه بقى علشان تخلص من كل ده؟
أقولك،ِ نرجع الأول للبدايه
وبالتحديد فى اللحظه اللى حتقع في الأختيار
بين الفعل مسبب المتعه
وعدم الفعل اللى هو مخالف هواك طبعا
أسال نفسك سؤال بسيط
لكن حيريحك ويطلعك من الحيره
أعمل الحاجه دى وأرضى نفسى
ولا معملهاش وأرضى ربنا؟؟؟؟
شوف بقى ترضى مين
بسم الله الرحمن الرحيم
"أم حسبتم أن تدخلوا الجنه ولما يعلم الله الذين جاهدوا منكم ويعلم الصابرين"
صدق الله العظيم
مجاهده النفس مش حاجه سهله
.ولا الجنه سهله يانااااااااااااااااس

إتجاه

كثيرا ما نظن أننا نسير بالإتجاه الصحيح
ليس ذلك عن غرور منا
ولكننا نعتقد ذلك لأننا نتمنى
أن نكون كذلك بالفعل
نسعد كثيراً أننا سلكنا هذا الطريق
ونتوهم بإنه الحظ
وقف أخيراً إلى جانباً
تمر الأيام وربما السنوات
دون أن ندرك أننا سلكنا طريق أخر
طريق يصل بنا إلى أماكن لم نتمنى يوما أن نصل إليها
نفكر فى العوده إلى البدايه مره أخرى
ولكننا نعجز عن ذلك أيضاً
نشعر بالندم على سوء إختيارنا
فإما أن نكمل تلك المسيره
إلى تلك الأماكن التى نمقتها
أونتوقف حيث نكون
أو نرجع إلى البدايه
ونحن ندرك جيداً
أن الوقت ربما لن يسعفنا للوصول

إلى البدايه مره أخرى
المؤلم حقاً
أن تدرك فى البدايه أنك إتجهت الإتجاه الخاطئ
وبرغم من ذلك تسلك الطريق بكامل أردتك .