15.3.08

الحيــــــــــــــــــــــــــاه


من خلال خبرتى فى الحياه

باقى لى كام سنه عايشه فى الدنيا دى

إكتشفت حاجه مهمه خالص

إكتشفت إيه ياترى؟؟؟؟؟؟؟

إكتشفت سر السعاده

سر السعاده يكمن

وخلى بالك من يكمن دى

أصل أنا واحده مثقفه

سر السعاده يكمن فى إسعاد الأخرين

جرب تكون إنت مصدر سعاده الأخرين

شوف إيه اللى ممكن يريحهم

وإعمله ليهم

حد بيرتاح فى مكان معين

ساعده إنه يوصل للمكان ده
حد بيرتاح أما بيكون مع ناس معينه

خليه يشوفهم ويرتاح معاهم

حد بيرتاح طول ما إنت بعيد عنه

بسيطه متوريهوش وشك تانى

كده يعنى

شوف إيه اللى ممكن يسعد الناس

وحاول تساعدهم فى الوصول للى يسعدهم

وإما تعمل كده

هتكون سعيد وراضى عن نفسك

وهتحس إنك ليك لازمه فى الحياه

وإن ربنا بعتك لمهمه كبيره

دا بالنسبه لسر السعاده

نيجى بقى لسر التعاسه فى الدنيا

ودا بالنسبه لى

هو إنك تكون سبب فى مشاكل كتيره

بين الناس

وتكون سبب أذى للى يعرفوك

وكمان اللى مش يعرفوك

إحساس وحش وتعيس

إنك تكون كده قاعد لوحدك

ومش بتعمل حاجه

وعارف ومتأكد إن إنت سبب فى100 مشكله

وإن الكل مش طايقك

عموماً لو صحاب المشاكل دى

قدروا يسمحوك ويعدوا لك

على أساس إنكم كنتم صحاب

أو حبايب أو حتى أهل

إنت بقى مش ممكن هتسامح نفسك أبداً

وهتعرف ساعتها سر التعاسه

وكدا أنا خلصت ضميرى

وقلت خلاصه تجاربى فى الحياه

11 comments:

كلمتى said...

ازيك يامنايا
صباح السعاده والتجارب
بص ياعسل انا معاكى فى كل كلمه قلتيها لأنك لو رسمتى ابتسامه على وجه اى انسان على ما اعتقد دا يكفى ان الابتسامه دى تترسم على وجهك انت
ولا ايه؟
سلام يامنايا

الفارس الملثم said...

علي فكرة كلامك صح جدا, لان الانسان بيكون في قمة سعادته لما بيحس انه وجوده ليه لازمة في حياة اللي يعرفهم وانه هو من اسباب خلق الابتسامة علي شفاهم وبتزيد سعادته لما يشوف نظرة الامتنان في عينيهم اللي بتعني انهم مقدرين اللي بيعملوا عشانهم ..

ولو عكسنا الموضوع واكتشفت انك سبب في تعاسة الناس القريبين منك اكيد بتكون في اسوأ حالاتك وبتكون اللحظة القاتلة لو اكتشفت انهم بيتمنوا تختفي من حياتهم ..

تقبلي مروري

سارة درويش said...

كلام فى الجون يا منمن ، وانا مجرباه بجد ، لأنى اخر العنقود فكل طلباتى مجابة وماكنتش حاسة ان فى حد فى البيت محتاجنى فى اى حاجة ، وكنت مقفولة على نفسى ومش بشارك فى المجتمع ، يمكن علشان كنت صغيرة ، والنتيجة كان عندى شبه اكتئاب وكنت حاسة انى عايزة اموت ،بس شوية شوية بدأت اتعلق بالقطط علشان حسيتهم حد محتاجلى ، وبعدين شوية كمان رحت دور ايتام ومدارس فكرية وبجد حسيت بمعنى حقيقى للسعادة وللحياة ..

صوت من مصر said...

هل فعلا البحثعن السعاده اصبح شىء دائم لكنى بجد ارى ان البوست ولا اروع
منون
فينك محدش بشوفك يعنى

تــــ(حـنة)ــــر said...

وليه كده تخلص تجاربك فى الحياة
لأ انا عن نفسي مستنيه منك تجارب جديدة
اصلك بجد عسل
تحياتى
تمر حنة

فزلوكة said...

وعرفت سر السعادة
وأيضا سر التعاسة

لكن مش ف كل الأحوال بنحس بنعمة العطاء

وبرضوا مش ف كل الأحوال بنحس بنقمة إفتعالنا للمشاكل

بوست جميل مليان أسرار
بالتوفيق إن شاء الله

صالح سعيد said...

صباح الورد يا جميل
عاجبنى جو الفضفضه ده
بس السعاده بحس انها شئ نسبى
يعنى ممكن حاجه تسعدنا وتبقى مصدر حزن لناس تانيه
واتفق معك فى كلامك عن التعاسه ربنا يكفينا شرها
ولابد ان يبحث الانسان عن اسباب سعادته ويتشبث بها
حلوه يتشبث دى
وبما انى اسمى صالح سعيد صالح اتذكر كلمة لوالدى رحمه الله كان يقول ابنى صالح وابويا صالح وانا سعيد بيهم
وانا اقول
رغم انى صالح الا انى سعيد بتطور مدونتك يا منون
سلام يا جميل
ايوه كده فضفضى وسيبك من الكتمان
بس مش فى المدونه بس
خلى الفضفضه على طول

ياسر مدني ...دينامو الإخوان said...

إلي كل عشاق الحريه

هيا لنحلم بالوطن الحر والجامعة الحره


احم احم ....ولكن...بعد أن حكمها البلطجيه..؟؟

ويا رييت رأيكم في الموضوع المكتوب

العراف said...

ازيك يا منمون اخبارك موضوعك جميل جدا وانا اتفق معاكى ان سعاده الانسان تكمن فى سعاده الاخرين وعلى فكره انا اتبع هذا المبدا واتمنالك التوفيق

مدحت محمد said...

بجد فعلا
انا متفق معاكى جدا
والرسول صلى الله عليه وسلم قال
ان الله فى عون العبد مادام العبد فى عون اخيه
صدق رسول الله
صلى الله عليه وسلم
تحياتى

موناليزا said...

لو الكل بيفكر كده كانت الحياة هتختلف كتير