الإخلاص لما يتقابل بخيانه شئ غلط
والخيانه لما تتقابل بإخلاص برضه شئ مؤلم
نفسر أكتر
الإخلاص لما يتقابل بخيانه شئ غلط
واحد بيحب واحده ومخلص لها جداً
وبالرغم من كده بتتفنن فى الخيانه
وبدون أسباب بتخونه
وهى عارفه ومتأكده إنه بيحبها ومخلص لها
وبالرغم من كده بتسمح لنفسها
إنها تخون
ودماغك متروحش بعيد عن صور الخيانه
الخيانه ممكن تكون بنظره
أو بكلمه صغيره
أو بإبتسامه حتى
لكنها خيانه
.........
الخيانه لما تتقابل بإخلاص شئ مؤلم
يعنى لما تخلص قوى لشخص مايستاهل منك إخلاص
لما تبقى عارف إن الشخص دا بيخونك وبيفتخر بالخيانه
وبرضه مش بيلاقى منك غير إخلاص على طول الخط
ويمكن الاخلاص بتاعك يكون من ضمن
الحاجات اللى بتشجعه على الخيانه
أعرف واحده برضه من كتر ما زهقت من إخلاصها
مع حبيب خاين
قررت تجرب وتخون
بس للإسف معرفتش
لأن الخيانه طبع
الخيانه لاتقابل بخيانه
شفت حبيبك بيخونك
يبقى الإنفصال عنه هو الحل مش الخيانه
والاخلاص حرام بتقابل بخيانه
انت وضميرك بقى
....
32 comments:
صح زى مانتى قلتى الخيانه لازم تتقابل بالانفصال,عشان الخاين يعرف عيبه ويعرف غلطه
ان يقابل الاخلاص والوفاء بخيانة فدى نداله ما بعدها ندالة
الخيانة طعمها مر جدا ، وصعبة على الانسان ان يقبلها
لذا من الضرورى ان تقابل بالانفصال ، اما ان اخون مثل من خان فهذا يعنى انى اصبحت ندلا مثله وانا لا اقبل ان اكون ندلا
اتمنى زيارة مدونتى
estraha.blogspot.com
يا سلام
الخيانة لا تقابل بخيانة
الاخلاص لا يقابل بخيانة
الخيانة لا تقابل باخلاص
دا ملخص علاقات الناس الراقية مع بعضها
تحياتى
اللى بيخون بيخون ربنا قبل اى حد تانى
والله الخيانه شىء صعب لكنه اصبح شىء طبيعى جدا فى الزم ده عشان كده منتكلمش عنه بجد لاننا هنتعب
والله موضوع الخيانة ده موضوع صعب جدا
وانا لا اتوقع ان اي حد واحد يخونه يبقي لازم هو كمان يخونه
كده نبقي زي بعض ومحدش احسن من حد
سعيد جدا بزيارت مدونتك الرقيقة
واتمني ان تواصل دائما
العجوز
الخيرx9
عمو أحمد
ياريت فيه حد دلوقت بيسمع للنصايح
كل واحد ماشى بدماغه
ولو جبت سيره الانفصال
تبقى جنيت على نفسك
بالنصيحه دى
منوووووور مدونتى
استراحه محمد
اخون مثل من خان فهذا يعنى انى اصبحت ندلا مثله وانا لا اقبل ان اكون ندلا
عاجبنى قوووى رأيك دا
ربنا يكملك بعقلك
وإن شاء الله إنتظرنى فى مدونتك قريباً
دينا
شكراً جداً على تعليقك
وأتمنى إن مدونتى تكون عجبتك فعلاً
سلاااااااااام
موناليزا
طبعاً الخيانه دى بتدل على قله ضمير
من الشخص الخاين
وبتدل على قله وعيه
بحاجه أسمها حساب ربنا له
تحياتى لأحلى مونالايزا
صوت من مصر
أنت على فكره بقيت من الناس اللى بنتظر تعليقها على البوست بتاعى
وبالنسبه للخيانه
عمرها ما كانت شئ طبيعى
ولا هتكون أبداً
ومفيش حاجه نقول بلاش نتكلم عليها
ساعات الكلام بيريح
سلاااااااام
Ahmed El-Agouz
سعيده بزيارتك دى
وسعيده أكتر بتعليقك
وطبعاً أنا رأيى واضح
الخيانه لا تقابل بخيانه
مهما كانت الأسباب
سلااااااام
اينعم هو شىء صعب والخيانة طبع
بس انا اعرف ازواج كانو بيخونو زوجاتهم
مش اعرف سمعت
يعنى
هههههههه
والزوجات خانتهم
لانه كما تدين تدان
هو فعلا الافضل مقابلة الخيانة بفراق
ومقابلة الاخلاص بالاخلاص
تحياتى
This is the truth
why treason are primarily ?
Treason something very difficult
http://elhayah.maktoobblog.com/
thank you
والاخلاص حرام بتقابل بخيانه
بس كدا
إنتى جبتى المفيد
فالإحساس مؤلم فى الحالتين إذا أخلصنا
وإذا لم نخلص
ما اصعب الجفاء
ما اصعب الرياء
ما اصعب حب بدون وفاء
ما اصعبه حبا دون رجاء
ما اصعب الحب الذى يقابل بجفاء
تحياتى عزيزتى لقلمك الرئع
تقبلى مرورى احمد سكر
بس كده انتى وسعتى مفهوم الخيانه اوى .كده كلنا هنسيب بعض .
الخيانه مش فى العلاقه بين بنت وولد وعلاقات الحب .المشكله انك تبقى صديق مخلص لحد .وانت عارف انو بيعرفك وقت المصلحه .وبردو لسه بتعرفو
تفتكرى الانفصال بس هوا الحل ؟
فعلا الخيانة طبع وصفة فى الانسان
مش عند كل الناس
كلامك جميل جدا وعاجبني بصراحة
البلوج بتاعك جميل جدا
الى الامام دائما
وربنا يوفقك
الخيانه بقيت هي العادي والاخلاص بقي هو الشاذ
عموما
الخيانه ليس لها علاج
ولكنها تسري في الدم
موضوع معقد جدا
خالص تحياتي
مساء الخير
تقريبا دي اول زيارة ليا هنا
انا بشوف الخيانة انواع
ولازم نفرق بين خيانة عاطفية او جنسية او او مش كل خيانة نلمها
خصوصا بين الازواج
تحياتى
مدحت محمد
ياعم أنا بتكلم على الخيانه
بنظره أو بإبتسامه أو بكلمه
موصلتش للخيانه الزوجيه
وعموماً الخيانه الصغيره من رأيى
بدايه للخيانه الكبيره
سلااااااااام
لو كنا بنحبها
welcome to u in my blog
i agree with u that treason is very difficult
I hope u good luck
salam
فزلوكه
يارب ديماً أجيب المفيد
وبجد الموضوع ده كان يفرق معايا
وكنت حاسه بيه قوى
سلاااااااام
ســــــــــكر
منور المدونه
حمدلله على السلامه
تعليقك جميل جداً
وعجبنى منه
حرام الحب يتقابل بجفاء
سلااااااام
تايه ومش تايه
أنا بتكلم عن الخيانه
بمفهومها البسيط مش الشامل
لكن بين الأصدقاء أنا على إستعداد
إنى أتحمل أى شئ من صحابى
وأحفظ على الصداقه مهما حصل
سلاااااااام
TheRiddle
يارب يكون عجبك بجد البلوج
وأتمنى الزياره تتكرر
وأنتظرنى فى مدونتك قريب
سلااااااام
alshared
الخيانه بقيت هي العادي
والاخلاص هو الشاذ
مفتكرش أبداً الموضوع لدرجه دى
وغير متفقه معاك بالمره
الخيانه هتفضل هى الشئ الشاذ
لسه الدنيا بخير
منور المدونه
سلاااااااام
A L A B D E L R H M A N .
أنا مش قصدى الخيانه اللى وصل مفهومها لحضرتك
أنا أقصد الخيانه اللى أبسط من كده بكتير
لكن بالنسبه للخيانه بين الأزواج
فأنا مكنتش أقصد كده خالص
أنا أقصد الخيانه بنظره أو كلمه
أو حتى بمجرد التفكير
زى ما وضحت فى البوست
وعموماً أتمنى إنك تكرر الزياره
سلاااااام
ليكى تاج عندى..تعالى خديه بسرعةةةةةةةةة
ازيك يامنووووون
على فكرة انا معاكى جدا
بس انا بالنسبالى الخيانة دى بتيجى لوحدها من غير متقصوديها خالص او من كتر الكلام عليكى انك خاينة بتبتدى تطبعى بيها كلام مش اكتر وبعدين ممكن تعمليها من غير متخدى بالك ان دى خيانة اصلا سلالالالالالالام
momken tkhoun a3az lnes wma ta3ref enak btkhoun...ma t7es bnafsak gher enak khont w khalas?
lech ysir hek?
Post a Comment