يقال إن 3% من العالم
هم بس اللى عارفين هم عايزين إيه من الحياه
وهم اللى قادرين إنهم يغيروا العالم
وإنه طالما الواحد مش عارف
هو لما حيصحى من النوم
حيعمل إيه؟
يبقى مش حيكون عنده رغبه يقوم من النوم أصلاً
ولذلك قررت أفكر شويه ياترى أنا لما أصحى من النوم حعمل إيه؟
؟؟؟؟؟؟؟؟؟؟؟؟؟؟؟؟؟؟؟؟؟
26 comments:
اعتقد انى واحد ملوش اتنين وعمرى ما هتغير لكن ان 3 % هم الى عارفين هما عايزين ايه ده غلط لان كلنا عايزين بس منين ؟
انا اتخضيت من النسبة
دي حاجه تجيب العيا بجد
يارب ارحمنا برحمتك
دمت بود
عدد اللى عاوزين حاجة من يومهم ممكن يكون كبير ، على اساس ان لو واحد طالع رحلة بكرة ، هيبقى عارف هو عاوز ايه من يومه
لكن لو قلنا عدد اللى عاوزين حاجة من حياتهم اد ايه ؟
تفتكرى النسبة دى هتقل ولا هتزيد ؟؟
تحياتى ليكى ولوجودك
صوت من مصر
إيه ياعم كل دى ثقه فى نفسك
سلفنى شويه
بص بقى إنك تكون عارف إنت عايز إيه
فدا معناه إنك تكون عارف إزاى تواجه المشاكل اللى حيفترض إنها حتقابلك وإنت فى طريقك للى إنت عايزه
يعنى متقولش أنا عارف أنا عايز إيه
لاء لازم تقول أنا عارف أنا عايز إيه
وعارف إزاى أواجه المشاكل اللى هتقابلنى
وقبل دا كله تبقى عارف إنت عايز إيه ليه؟؟؟؟؟؟؟؟؟
فاهمنى ياكيمو
صاحب المضيفه
والله أنا كمان إتصدمت بالنسبه دى
بس كلى أمل
بس كلى أمل إننا نكون منهم
قول يارب
إستراحه محمد
كلامك مظبوط
لو حد فينا رايح رحله شوف بيعمل إيه؟
شوف تحضيراته ونشاطه
وهمته ومزاجه العالى
تعرف الواحد ممكن يخطط يومه
وربما يخطط إسبوع
لكن ياترى يعرف يخطط
الخطوط العريضه فى حياته
وميبقاش مجرد كلام وبس
قليل قوى يارب
يارب يامحمد تكون منهم
تبقى بس إفتكرنا
تعرفى
عزيزتى
ان الواحد احيانا لما يصحى من النوم مش يبقى عارف هيعمل اية
وقت بيكون فى الواحد ملخبط ومش عارف راسة من رجلية
بس طبعا دة مش يمنع ان الواحد بعد يخد بالة ويحاول يفكر ولو ساعات غلط بس يحاول يعمل حاجة
بدل الوقفة فى المكان
ربنا يوفقك
تحياتى
انا بقا عارف لما بصحى من النوم بعمل ايه
ببساطه بغسل وشي
طيب وانا هنام شوية هنا وبعدين لما اقوم ابقى افكر
انتى عارفة انه لازم كل واحد يكون جواه حلم وامل لحاجة نفسه يحققها لو الامل ده مش موجود يبقى الانسان ده ملوش وجود اصلا
تقبلى تحياتى
تقربا حاتنا مش فيها حاجه جدده علشان كده اللى بنعمله النهارده بنعمله كل يوم
الا بقه لو عازين نتطور من حياتنا نفكر نعمل ايه
تحياتى ولاء
تعرفى يامنمون احلى حاجة من وجهة نظرى تنظيم الوقت وتحديد الاتجاهات
بس انتى ماقلتيش ياجميل هتعملى ايه لما تصحى
وممكن ياقمر تشيلى تاكيد الكلمة حين ارسال التعليق
دمتى بخير
هغسل وشى هههههههه
بس عارفه بحب ابص لنفسى فى المرايا علشان اشوف حاجات كتير وببقى حلوة وانا صاحيه هههههههههههههههههههههههه
أنا لما هاصحي من النوم هانام تاني
ده الطبيعي
لان هاصحي ألاقي الناس كلها نايمه
فهقول أنا غلط وانا بحلم
ربنا معانا
تحياتي
اصحى من النوم اعملى فطار
وريحى بالك يامنى
هههههههههه
تحياتى
تامر نبيل
المفروض الواحد قبل ما يتحرك من مكانه
يكون عارف هو رايح فين
ورايح ليه
ورايح أمتى
ولو إتحرك من غير ما يفكر يبقى دا إسمه مغامره غير مضمونه النتائج
أتمنى لك حياه سعيده محدده الأهداف
wael
والله بتغسل وشك أول ما تصحى من النوم
إيه النظافه دى كلها
وأنا أقول الميه بتقطع ليه الصبح
أتريك بتغسل وشك
سلااااام
هيثم الدهشان
أكيد كل واحد مننا له حلم
بس ساعات الواحد مننا بيحلم أحلام غلط
يعنى بيحلم وهو مش ناوى يحقق الحلم
لازم نفكر كويس فى أحلامنا
ونشوف هدفنا من الدنيا
لانه زى ما بتقول اللى مش عنه حلم
يبقى ملهوش وجود
شكراً لمشاركتك معانا
ولاء
بصى ياولاء هى دى المشكله
إن حياتنا بقيت متكرره
كل أحدثها معاده
حاجه تخنق بجد
إبحثى عن أهداف تحبى توصلى لها
ولما تلاقيها
صدقينى سهل جداً توصلى ليها وتغيرى حياتك
تمنياتى لكى بالسعاده
موناليزا
تعرفى إنى مشكلتى إن أقدر أحدد أهداف يومى بس
لكن الخطوط العريضه فى حياتى صعبه قوى
أقولك بقى أول ما بصحى من النوم بعمل إيه
ببص فى الموبيل أشوف الساعه كام
علشان أشوف خدت حقى من النوم
ولا أكمل وأنام
وبخصوص كلمه التأكيد
فمش عارفه بتتشال إزاى والله
سلااااااااام
appy
منور المدونه ياقمر
تعرفى إنى ممكن تعدى عليا أيام من غير ما أبص فى المرايا
الواحد قرف من نفسه ومن الدنيا ومن كل حاجه
يبقى يبص فى المرايا
أنا أصلاً مش عايزه أشوف نفسى
لأنى لو شفتها هزعلها منى
وكويس إنك بتحبى تبصى فى المرايا لسه
دعواتك لنا
الشارد
فيلسوف بيعلق عندى
يامرحب بيه
لو صحيت لقيت الكل نايم سيبك منهم
كمل يومك وإسبقهم
ولما يبقوا يصحوا يبقوا يحصلوك
وبعدين ياعم لو اللى حوليك نايم
دور على ناس صاحيه
ودول هتلاقيهم قليل
لكنهم موجودين
متفقدش الأمل ومتستسلمش للنوم
يمكن تكون من ال3 فى الميه
اللى كتبت عنهم
سلاااااااام
مدحت محمد
هى عمايل الفطار راحه بال
إطلع أشترى فول وأقف فى طابور الطعميه
ونيجى بقى للشاى
وده بيشربه تقيل وده خفيف
وده سكر زياده
ودى مش عايزه شاى
وده مش عايز يفطر من الفطار ده
وهيصه ومواااااااال
ربنا يرحمنا منه
وحتى الأن الحمدلله
يخليهالى ولا يحرمنى منها أمى
بتجيب لى الفطار لحد عندى
وعموماً أنا بدور لازم أفكر كويس أنا لما أصحى من النوم هعمل إيه؟
غير الفطار
انا من كتر ما عارفة انا عايزة اية
مش بنام اصلا عشان اقوم من النوم
وبرضة ساعات مبعرفش انا عايزة اية
وبرضة مش بنام
عندك حل بقى يامنون
اغسلى وشك يالا كدة و فوقى
بلاش تخاريف
البنزين غلا
facemoon
بصى ياقمر
أنا تحديداً قبل ما أكتب البوست ده مكنش فعلاً عارفه أنا عايزه إيه؟
وكنت بفسر قلت نومى بكده
ودلوقت لما عرفت أنا عايزه إيه بالظبط
برضه نفس الوضع
بل وإزداد الوضع سوءاً
والنوم بقى حلم صعب
فكره تجر فكره
وكلمتين لنفسى
يبقوا حوار طويل ما بينى وبين نفسى
ومبخلصش
لو عندك إنت حل ياريت تساعدى أختك اللى نفسها تنام مستريحه
كفراوى
من أنا فعلاً قررت أغسل وشى
وأفوق بقى من نومى الطويل
دا على أساس إنى كنت نايمه
شكراً على نصايحك الغاليه
مننحرمش منك
Post a Comment