من فتره نزل بوست فى مدونه كلمتى
لدعاء عاطف
إسمه رفقاً ياعمى رفقاً
عن المغالاه فى طلبات أهل العروسه
ونادت دعاء بحمله نعملها نسميها عروسه من غير شبكه
وبالفعل
نزلنا الشارع وأتكلمت دعاء مع الناس
وسجلت أراءهم كمان
وإتناقشت مع دكاتره الجامعه فى الفكره
واللى قرروا يدعموا الفكره معنوياً
المهم
أيامها بقى عرفت الفيس بوك
والجروبات اللى فيه
وعملنا جروب إسمه عروسه من غير شبكه
ولاقى الجروب إقبال سريع لدرجه إننا لسه مكملناش شهر وبقينا أكتر من 700
بين ومؤيد ومعارض
عنوانا عروسه من غير شبكه
لكن هدفنا زواج بدون تكاليف مبالغ فيها
زى
الشبكه
والشقه
والعفش
وتكاليف الزفاف
وباقى التكاليف دى
الفكره إتنشرت على الفيس بوك
وإتكلمت عنها فى العاشره مساءاً
وإذاعه البى بى سى
الموضوع كبر قوى وكتير مقتنعين
وبرضه فيه معترضين
إحنا لسه منتظرين الأمتحانات تخلص
ونبدأ ورشه عمل
علشان نقول أهدافنا إيه بالظبط وإزاى نوصلها
بتمنى من كل اللى يدخل هنا
على المدونه المسكينه دى
يشارك معانا على الفيس بوك
ويشارك كمان من خلال مدونته
بإيه بقى؟
تشاركنا برأيك أياً كان من خلال مدونتك
وتدعو صحابك إنهم يشاركوا من خلال مدونتهم
أطلق لقلمك العنان
وإكتب إيه اللى شايف إنه مبالغ فيه تكاليف الزواج
وكل واحد يكتب بطريقته
وبس
24 comments:
اولا وحشتينى جدا
ثانيا:بما انى مش بعرف اتعامل مع الفيس بوك خالص فاسمحيلى اقول رايى هنا
عايزة اعرف عروسة ايه دى اللى تبقى من غير شبكة ليه يعنى؟احنا اه نراعى ظروف العريس وحسب امكانياته واللى يقدر عليه لكن نلغى فكرة شبكة العروسة ده طبعا انا معترضة عليه جدا
ثالثا:عن ازالة تاكيد الكلمة بصى ياستى
تدخلى على لوحة التجكم الرئيسية وبعدها "اعدادات" ثم تختارى"تعليقات"
هيتفتحلك صفحة هتلاقى فى اخرها سؤال هل تريدين تاكيد الكلمة اختارى"لا"
هتلاقيها اتشالت على طول
يارب اكون قدرت اشرحهالك كويس
هو طبعا موضوع مثير للاهتمام باشكرك لطرحه
انا دخلت على الجروب ولقيت ان رغم الاختلاف
في الاراء الا ان الكل متفق على اهمية التيسير
ونبينا صلى الله عليه وسلم قاله
*التمس ولو خاتما من حديد * فالموضوع
مش موضوع شبكة قد ما هو تقدير للمهم
وغير المهم من جانب العريس والعروسة
مش مسالة تنازلات ولكن اختيار الافضل
تقبلي خالص تحياتي
السلام عليكم ورحمة الله وبركاته
اولا ربنا معاكى فى الامتحنات ...
بالنيسبة بقى لموضوع الحملة هي ثقافة عامة وان كنت اعتقد للاسف يعنى...
انها مش هاتنحج لحد كبير غير فى اوساط هي بتعمل كدة بالفعل...
يعنى فى عصر كدة سيدنا عمر ابن الخطاب وقف على المنبر وصاح فى الناس بان يخفضو المهو روووو
ردت علية ست من بيتها بان يا امير المؤمنين لا تضع لها حد فالله لم يضع لها حد
فقال عمر صدقت,,
بس عامة تمنياتى بالتوفيق
مش عارف باينلك بتقرى افكارى انا بدأت سلسلة موضوعات اجتماعية بدأت بموضوع عن اطفال الشوارع وكيفية مساعدتهم ومازل هناك العديد من الموضوعات فى تلك السلسلة لم تنشر بعد من بينها ازمة الزواج فى ظل الظروف الاقتصادية الحالية وهو ما يدور فى نطاق حملتكم اتمنى مشاركتم ويكون موضوع اطفال الشوارع وموضوعكم عروسة من غير شبكة بداية لعدة موضوعات اجتماعية اخرى
تقبلى تحياتى
هى كمان ناقصه شبكه
موناليزا
والله العظيم إنتى وحشتنى أكتر
وجو المدونين وحشنى جداً
كنت مشغوله قوى
التمس ولو بخاتم من حديد
دا تقريبا
كلام الرسول عليه الصلاه والسلام
وإحنا هدفنا الدبلتين
وكل تكاليف الزواج المبالغ فيها
أتمنى إنك تنزلى ببوست
عن الزواج فى الاسلام
منتظراكى يامنايا
سلاااااااام
unique
طبعا نورتنا فى جروب عروسه من غير شبكه
وأتمنى إن زى الفكره ما بدأت تتناقش
من خلال الفيس بوك
إننا برضه نعرف أراء اصدقائنا المدونين
من خلال مدوناتهم
ومنتظره بوست جميل فى مدونتك
عن رأيك
مؤيد أو معارض
منور المدونه
سلااااااااام
.:.-=- ELGaZaLy-=-.:.
أولا أنا مخلصه دراسه من سنه
يعنى مش عندى إمتحانات ولا حاجه
بس دعوتك فى محلها
لأنى عندى الأسبوع ده إمتحانات
icdl
وإن شاءالله هنسعدك وهنخيب إعتقادك
وهتنجح الحمله
اللى لسه مبدأنهاش
غير بالدعايه لها فى البرنامج
لا خير فى فكره لم يتجرد لها صاحبها ولم يجعلها ردائه وكفنه
وعلى فكره كتير قوى مؤيدين للفكره
ومن مختلف الأوساط الأجتماعيه
وعلى كامل الأستعداد
بالدعم المعنوى والمادى
وممكن إحنا منجنيش ثمار الفكره
لكن يمكن الجيل اللى بعدنا يفتكرنا بكلمه حلوه
خليك معانا
وإنضم لينا
من خلال مدونتك
سلاااااام
هيثم الدهشان
انت من الناس اللى تفرح والله
بحب الأمل فى التغير حتى لو مقدرناش
يكفينا شرف المحاوله
وإحنا على إستعداد للمشاركه
ولنا الفخر كمان
صوت من مصر
هى ناقصه شبكه كمان
ليه هو إنت كنت ناوى علي إيه؟
وحشتنى اللماضه والله
بصى انا كنت شوفت البوست دة عند دعاء فعلا
و قولتلها
اقلهن مهورا اكثرهن بركة
ودا قول الرسول عليه الصلاة و السلام
ومفيش حاجة بقى بعد كدة
الله المستعان
من حوالي اكتر من شهرين كتبت بوست عن موضوع المغالاه الغير مبرره في طلبات الجواز
بجد انتي مش متخيله انا مبسوط اد ايه اني لقيت بنات بتفكر كده
اشكرك بجد
والله يا منى انا لو ناوى كنت هجيب دسته جاتوه من ابو 4 جنيه وحلو قوى كده خير وبقره ؟
حمد الله علي السلامه
الرسول -ص-قال أيسرهن مهورا أكثرهن بركه
أكيد محتاجين حاجه تقنن الموضوع
الشباب بقيم بيحلموا باليوم ده
مجرد حلم بعيد المنال
تحياتي
ازيك يا منمن اخبارك موضوع اكتر من رائع وان شاء الله معاكم بس اخلص الامتحانات علطول واستنونى بااااااااى
تمر حنه
وحشـــــــــــــانى بجد
أنا مشغوله قوى علشان كده مقصره قوى
إعذرينى بقى
سلااااااااام
وائـــــل
أديك لاقيت بنات بتفكر كده
وعلى فكره دول كتير
المشكله إن الأعتراض من الشباب
تخيل
ياريت تنضم لنا على الفيس بوك
جروب عروسه من غير شبكه
منتظرينك
صوت من مصــــــــر
ههههههههههه
دسته جاتوه بأربعه جنيه بحبح إيدك شويه
وإدخل عليها بكيلو فاكهه كمان
علشان متطردش من على الباب
ربنا يكون فى عونك ياسلمى
سلاااااام يا كيمو
الشارد
طبعاً فيه خطه هنمشى عليها
وبإن الله هنعلن عنها قريب فى إحد البرامج التلفزيونيه
أنا من المؤمنين بإن أى شئ فى الدنيا سهل جداً إن يحصل طالما فيه إصرار وحماس
ياريت لو ليك أكونت على الفيس بوك
تروح وتنضم لينا
وهتشوف قد إيه كتير مهتمين بالفكره
وعلى إستعداد للتنفيذ
سلااااااام
العراف
منتظرين العراف
فى المدونات وعلى الفيس بوك
وإستحملونى أنا بقى علشان أنا لسه هبدأ إمتحانات
ربنا معاك
ومعانا
انا طبعا بصفتي ولد مقتنع تماما بالفكره
(:
رغم اني قادر والحمد لله على مصاريف الزواج
لكن الشباب عامة لم يعد يحتمل الطلبات المبالغ فيها من اولياء الامور والتي تفوق المنطق في بعد الاحيان
الفكره اعجبتني وسادعو لها بإذن الله
تقبلي مروري
وشرفينا بزيارتك
www.eng-mostafa.blogspot.com
هاى توكتوكة احنا اسماء واية ومعانا اسراء واحنا جينا من البلد واحن مؤيدين الفكره الجامده اوى بس انا فى اعتقادى ان لازم العريس يعرف قيمه العروسه انا عارفه ان قيمه العروسه مش بالشبكه بس احنا مش عايشين فى دنيا لوحدينا احنا هنا عندنا لازم العريس يجيب اكبر شبكه عشان الناس تعرف انه شارى العروسه واهلها بس بقى انا عن تجربه بقولك ان السعاده مش بالشبكه خالص لا السعاده بحب خطيبك ليكى وانك تكونى مقتنعه بيه مش بالشبكه وده فى راى انا بس معرفش الناس التانيه هتقول ايه انا اسراء نور وسلام بقى عشان منطولش عليكى يادودو
والله ونعم العقل برافو عليكم وانا معاكم لتغير الاوضاع دى
Post a Comment